Համո Սահյան «Կանչ»

2013-02-10 4029 Բանաստեղծություններ

Անց կացավ օրըս, արևավորըս,
Դու ե՞րբ ես գալու իմ թևավորըս,
Իմ թուխ արտույտըս, իմ սիրուն լորըս,
Իմ հեռավորըս, դու ե՞րբ ես գալու։

Բացել եմ դուռըս, բացել եմ դուռըս,
Խորն է կարոտըս, խորն է մռմուռըս,
Իմ կանաչ կուռըս, իմ ծաղկած նուռըս,
Իմ քնքուշ քույրս, դու ե՞րբ ես գալու։

Գարունքվա հավք եմ, աշխարհն է բույնս,
Առանց քեզ ինչ են երգըս, անունըս,
Փախել է քունըս, կանչում է տունըս,
Խանդութ խաթունըս, դու ե՞րբ ես գալու։

մեկնաբանություններ