Իրանական արդի պոեզիայի ընթերցումներ

2021-12-14 417

Դեկտեմբերի 11-ին Ավ․ Իսահակյանի անվան կենտրոնական գրադարանում տեղի ունեցավ իրանական ժամանակակից պոեզիային նվիրված երեկո՝ ՀՀ-ում ԻԻՀ Դեսպանության մշակույթի կենտրոնի և «Գրքամոլ Ակումբ»-ի համատեղ նախաձեռնությամբ։ Հանդիպման ընթացքում մշակույթի կենտրոնի ղեկավար Սեյյեդ Հոսեյն Թաբաթաբային ներկայացրեց պարսից պոեզիայի նորագույն շրջանի սկզբնավորման, պոեզիայի զարգացման փուլերի և տեղի ունեցած փոփոխությունների պատմությունը։ Հանդիպման ընթացքում հատկապես ընդգծվեց նորագույն շրջանի պոեզիայի սահմանման բացատրությունը, երբ բանաստեղծական կայուն կաղապարների, շարադրանքի ու հանգավորման կանոններն իրենց կարևորությունը զիջեցին պոեզիայի արտահայտած մտքի խորությանն ու բովանդակությանը, այլ կերպ ասած՝ նոր պոեզիայի բերած փոփոխությունը հետևյալն էր, որ բովանդակությունը չմթագնվեր և չստորադասվեր ձևի գեղեցկությանը։

Եղան երկուստեք կարծիքների փոխանակումներ, իսկ վերջում ընթերցվեցին իրանցի ժամանակակից պոետների բանաստեղծություններից մի քանիսը։

Հանդիպման բոլոր նկարներն՝ այստեղ:

Դիտեք ավելին Գրքամոլ Ակումբ բաժնում

մեկնաբանություններ