Մեր Մասին

Ավելի քան 12 տարի գործող «Գրքամոլ» ֆեյսբուքյան էջը հասցրել է դառնալ ավելի քան հարյուր հազար օգտատերերի սիրելի էջը, որի գաղափարն ի սկզբանե եղել է համացանցում ստեղծել այնպիսի տիրույթ, որի միջոցով մարդիկ հնարավորություն կունենան ծանոթանալ համաշխարհային գրողներին, նրանց արձակ և չափածո ստեղծագործություններին հետաքրքրվել գրականությամբ: Գրքամոլ Նախաձեռնության նպատակն է հայ հասարակության մեջ բարձրացնել սերը դեպի ընթերցանությունը, առաջացնել հետաքրքրություն դեպի դասական և արդի գրականությունը, ինչպես նաև կոտրել բոլոր այն կարծրատիպերը, թե այսօրվա հայ իրականության մեջ ընթերցողներ չկան: Եվ այս ամենը մեզ հաջողվում է՝ դատելով Grqamol.am հաճախող օրական հազարից ավել այցելություններից և մեր էջին ուղարկվող բազմաթիվ նամակներից, որոնց բովանդակությունը հիմնականում հետևյալն` «Ձեր շնորհիվ եմ ես հասկացել, թե ինչ բան է գիրքը և հիմա գրքամոլում տեղադրվող հրապարակումներին զուգահեռ սկսել եմ գրքեր ընթերցել»: Հաճախ հարցնում են նաև, թե որտեղից կարող են գտնել իրենց հետաքրքրող գիրքը, կամ ինչ գիրք մենք խորհուրդ կտանք իրենց կարդալ: Այս ամենից հետևություն անելով` մենք կարող ենք վստահաբար ասել, որ մարդկանց մոտ իրոք հետաքրքրությունը դեպի ընթերցանությունը խորանում է:

Ավելի քան 10 տարի է, ինչ գործում է ԳՐՔԱՄՈԼ. Գրքերի փոխանակում խումբը, որի միջոցով ընթերցողները մյուս ընթերցողներից կարողանում են գտնել իրենց փնտրած գիրքը և կարդալ, ինչպես նաև անհրաժեշտության դեպքում փոխանակում են մեկ այլ գրքի հետ: Իսկ Grqamol.am-ն իրենից ներկայացնում է մեր ամբողջ աշխատանքը՝ մեկ կայքում հավաքագրված, որտեղ կարող եք գտնել մեջբերումներ հարյուրավոր սիրված գրքերից, ստեղծագործություններ մեր երիտասարդ ընթերցողներից (ովքեր, ի դեպ, շատ տաղանդավոր են), կարող եք բեռնել էլեկտրոնային գրքեր Էլեկտրոնային գրքեր բաժնից (բաժինը անընդհատ թարմացվում է), ինչպես նաև կարդալ տարբեր ժանրի այլ ստեղծագործություններ (բանաստեղծություններ, առակներ, պատմություններ, աֆորիզմներ, սոնետներ): Կայքում կա նաև «Արձագանքներ» բաժինը, որտեղ դուք կարող եք ծանոթանալ մեր գործունեության մասին, ընթերցել մեր հարցազրույցները, տեսնել գրական հանդիպումները, ինչպես նաև հետադարձ կապի միջոցով գրել ձեր առաջարկությունների և մտահոգությունների մասին: 2014 թվականի օգոստոսից կյանքի է կոչված Գրքամոլ Ակումբի գործունեությունը, որի նպատակն է մեկ վայրում հավաքվել ընթերցասերներով և քննարկել համաշխարհային գրականության գործերը: Արդեն ավելի քան 10 խումբ ձևավորվել է, որի ժամանակ քննարկվել և ուսումնասիրվել են հազարից ավելի գրքեր։

2019 թվականից գործում է նաև «Գրքամոլ Հրատարակչատունը»․ մինչև օրս հրատարակել է թվով 3 գիրք՝ երեքն էլ «Հայ գրող» շարքից։ Հրատարակված գրքերն են․

Սեյրան Գրիգորյան «Ինչու ես տխուր»

Անրի Վերնոյ «Մայրիկ»

Լիլիթ Բաղդասարյան «Locus Morbi»

Այս նախաձեռնության կազմակերպիչները երկուսն են, ովքեր, լինելով տարբեր մասնագիտությունների տեր մարդիկ, միավորվում են մեկ ընդհանուր նպատակի շուրջ:

Համլետ Մուրադյան
Հասմիկ Մելիքսեթյան

Հ.Գ. Ասում են, եթե չես սիրում գրքեր, ուրեմն դեռ չես կարդացել այն մեկը, որն անհրաժեշտ է: Ուստի մեր ամենամեծ մաղթանքը թող լինի այն, որ յուրաքանչյուր մարդ այս կյանքում գտնի իր գիրքը:

Գրքամոլ Նախաձեռնություն
Since 2012 © Grqamol. All Rights Reserved.
URL: www.grqamol.am, e-mail: grqamol@gmail.com