Գրքամոլ Ակումբ. Բաց քննարկում. Ռեյ Բրեդբըրի «Ֆարենհայթ 451°»
2016-06-13 4445
Հունիսի 11-ին «Գրքամոլ» ակումբը և «Զանգակ» հրատարակչությունը համատեղ կազմակերպել էին Ռեյ Բրեդբըրիի «Ֆարենհայթ 451» վեպի բաց քննարկումը, որը տեղի ունեցավ Ավ. Իսահակյանի անվան կենտրոնական գրադարանում: Քննարկումն առանձնահատուկ էր նրանով, որ դրան ներկա էր նաև գրքի թարգմանչուհի Լուսինե Հարոյանը: Հանդիպման ընթացքում, որն ի դեպ, անցավ բավական բուռն մթնոլորտում, ներկաներն անդրադարձան հայտնի ֆանտաստ գրողի ստեղծագործությանը` դիտարկելով այն որպես ֆանտաստիկայի, հեքիաթի ու փիլիսոփայական այլաբանության տարրերի միաահյուսում: Նրանք նկատեցին, որ «Ֆարենհայթ 451°» վեպում (1986) հեղինակը պատկերում է գիտատեխնիկական հեղափոխության բուռն աճի և մարդու բարոյական «հասունացման» խզման հնարավոր հետևանքները, մտորում ապագայի քաղաքակրթության մասին: Քննարկումը բավական ինտերակտիվ ստացվեց, քանի որ գրքամոլցիները և մյուս հյուրերը հնարավորություն ունեցան ինտերակտիվ կապ հաստատել միմյանց և մասնավորապես` թարգմանչուհու հետ, որը պատասխանեց ներկաներին հուզող հարցերին, պատմեց, թե իր համար թարգմանական գործընթացում որ գործոններն են կարևոր, ինչ դժվարությունների է հանդիպել կոնկրետ այս վեպը թարգմանելիս և ինչ մեսիջներ է ստացել ստեղծագործությունից` հանդիսանալով և´ որպես միջնորդ հեղինակի ու ընթերցողի միջև, և´ պարզապես որպես սովորական ընթերցող: Ի դեպ, կարելի էր արձանագրել ոգևորիչ մի փաստ. հյուրերի թվում կային դպրոցականներ, որոնք հանդես եկան բավական հետաքրքիր վերլուծություններով:
Այսպիսով` թեժ մթնոլորտում անցկացված հերթական հանդիպումը կարելի է համարել ստացված, իսկ գրքամոլցիները պատրաստվում են իրենց հաջորդ` հունիսի 18-ի փակ քննարկմանը, որի ընթացքում «կթիրախավորեն» Ֆրենսիս Սքոթ Ֆիցջերալդի «Մեծն Գեթսբին»:
Հանդիպման բոլոր նկարնեն այստեղ:
Դիտեք ավելին Տեսադարան բաժնում
մեկնաբանություններ