Գրքամոլ Ակումբ. Բաց Հանդիպում II. Ֆրանց Կաֆկա «Կերպարանափոխություն»

2018-11-18 248

Շաբաթ օրը Ավ. Իսահակյանի անվան կենտրոնական գրադարանում տեղի ունեցավ դեռևս անցած ամիս «Գրքամոլ» Ակումբի կողմից մեկնարկված բաց քննարկումների շարք կազմող հերթական հանդիպումը, որի թիրախն այս անգամ գերմանալեզու գրող Ֆրանց Կաֆկայի «Կերպարանափոխություն» նովելն էր: Քննարկմանը մասնակցում էին ինչպես Գրքամոլ Ակումբի մշտական խմբի անդամները, այնպես էլ այլ ընթերցողներ, ովքեր միշտ ցանկություն են ունեցել ներկա գտնվելու ակումբի քննարկումներին: Հանդիպման ժամանակ խոսվեց և վերլուծվեց ամեն հնարավորի մասին, ինչ կարող էր Կաֆկան նկատի ունենալ իր այս գործում՝ արագ ադապտացիա շրջակա միջավայրին, թերություններ ունենալու դեպքում սեփական անձի ավելորդություն շրջապատում, շահագործում ընտանիքի անդամների կողմից որքան հնարավոր է: Ընթերցողների վերլուծություններից մի քանիսը պատկանում էին Կաֆկայի ինքնակենսագրության և «Կերպարանափոխության» միջև զուգահեռներին, ինչպես նաև կային վարկածներ էլ, որ կերպարանափոխվողը ոչ թե Զամզան էր, այլ՝ ամբողջ շրջապատը, բացի իրենից:

Հաջորդ բաց քննարկումը նախատեսված է դեկտեմբերի 22-ին, որի ժամանակ քննարկվելու է Սամուել Բեկետի «Գոդոյին Սպասելիս» գիրքը:

Հ.Գ. Հանդիպման բոլոր նկարներն՝ այստեղ:

մեկնաբանություններ