Նարեկ Կոսմոս | Ջազատություն

Նարեկ Կոսմոս | Ջազատություն

ես ժամանակը
թաղում  եմ
անվերջ կրկնվող 
իմ օղու բաժակում․․․
շեփորը հորանջում է ջազ
իսկ ես 
այսօր ապրում եմ
ավելի շատ
քան ապրել եմ
իմ բոլոր երեկներում․․
ես այսօր 
ալկոհոլն եմ շպրտել իմ մեջ
ու ցավ եմ դարձել
գինետան մարմնում․․․
բայց և 
գտել եմ իմ 
իմ ջազատությունը․․․
անվերջ կրկնվող
անվերջ նույնացող
իմ բաժակում
այսօր ես գտել եմ իմ 
ջազատությունը․

* * *

Նարեկ Կոսմոս | Լռություն

լռությունը թմրել է իմ սենյակում
իսկ մենությունս արձակում է կոճակները
մի վերարկուի,որ դու ես, դու․․
մեկ ծխախոտի չափ պատմություն ունի
իմ ու քո կարոտը,
ու մեր սերը
դատարկ մոխրամանի պես ․․․
լուսաբացին դեռ մի գիշեր է պակաս,
ու աստղերի  երամը
դեռ երկնքում է․․․
բայց մենությունս մրսում է առանց քեզ
գուցե նորից վերարկուանաս
ու մենությունս մերկ չմնա․․․

Հեղինակ՝ © Նարեկ Կոսմոս